რენტგენოგრაფია

ვიზუალური დიაგნოსტიკის ერთ-ერთი ზუსტი და არაინვაზიური მეთოდია. ცხოველის სხეულში გამავალი რენტგენის სხივები გვაძლევს ორგანოებისა და ქსოვილების მაღალხარისხოვან გამოსახულებას კასეტაზე.

აღნიშიული მეთოდი შეუცვლელია ძვლების მოტეხილობების, ამოვარდნილობების, სახსრების და ხერხემლის დაზიანებების, საყრდენ-მამოძრავებელი სისტემის სხვა პათოლოგიების (დისპლაზია, ოსტეოართროზი, სიმსივნეები) დროს, ფილტვების და გულმკერდის ღრუს სხვა ორგანოების (ტრაქეა, ბრონქები) დაავადებების შემთხვევაში.

ჩვენს კლინიკაში რენტგენოლოგიური კვლევისთვის გამოიყენება უახლესი მოდელის ცხოველისთვის განკუთვნილი რენტგენის აპარატით

ბიოქიმიური ანალიზი უმნიშვნელოვანესია თქვენი ოთხფეხა მეგობრებისთვის

შეგახსენებთ, სისხლის ბიოქიმიური ანალიზი გამოიყენება ორგანიზმში არსებული გარკვეული ნივთიერებების რაოდენობის განსაზღვრისთვის.

ეს ნივთიერებები მოიცავს ელექტროლიტებს, ცხიმებს, ცილებს, გლუკოზას და ფერმენტებს.

სისხლის ბიოქიმიური ანალიზი იძლევა მნიშვნელოვან ინფორმაციას იმის შესახებ, თუ რამდენად კარგად მუშაობს ცხოველის თირკმლები, ღვიძლი და სხვა ორგანოები.

სისხლში ნივთიერების არანორმალური რაოდენობა შეიძლება იყოს დაავადების ან მკურნალობის გვერდითი ეფექტის ნიშანი.

ბიოქიმიური ანალიზი გამოიყენება მრავალი მდგომარეობის დიაგნოსტირებისა და მონიტორინგისთვის მკურნალობის დაწყებამდე, მკურნალობის დროს და მის შემდეგ.

ჩვენთან თირკმლისა და ღვიძლის ფუნქციის კვლევა სპეციალური, ცხოველისთვის განკუთვნილი ანალიზატორით კეთდება.

ვეტ-ექიმი - ბაქარ კანდელაკი

ქუთაისი, რუსთაველის გამზირი #95

+995 514 50 40 50

როდის სჭირდება შინაურ ცხოველს ანესთეზია?

1. ზოგიერთი რენტგენოლოგიური კვლევის დროს

2. ოპერაციებისა და მტკივნეული მანიპულაციების დროს

3. კბილების წმენდისა და ამოღების დროს

4. ნერვიული ცხოველების მკურნალობის დროს

GAF-ში ანესთეზია კეთდება სპეციალური სანარკოზე აპარატით

ჩვენს კლინიკაში ფუნქციონირებს ლაბორატორია, სადაც ანალიზები ტარდება  სპეციალურად ცხოველისთვის განკუთვნილი, ავტომატური, ღია სისტემის ანალიზატორებით, რაც საშუალებას გვაძლევს მყისიერად მოვახდინოთ  ცხოველის მდგომარეობის დიაგნოსტირება. 

ჩვენთან ტარდება შემდეგი სახის კვლევები:

სისხლის ბიოქიმიური ანალიზი - ღვიძლის ფუნქცია;

სისხლის ბიოქიმიური ანალიზი - თირკმლის ფუნქცია

სისხლის საერთო ანალიზი.

ჩვენთან ხელმისაწვდომია ლაბორატორიის ბინაზე გამოძახების სერვისი.

მომსახურება მოიცავს:
 ლაბორატორიული კვლევის ინდივიდუალურ პაკეტებს;
 კვლევის პასუხის მიწოდებას ელექტრონული ფოსტის მეშვეობით;
კვალიფიციური ვეტერინარის მომსახურება;
 პაციენის მონაცემების შენახვა ციფრულ ელექტრონულ ბაზაში.

GAF TAXI - ის  საშუალებით, შეგვიძლია ნებისმიერი ზომის შინაური ცხოველის ტრანსპორტირება ერთი წერტილიდან მეორე წერტილში. მნიშვნელობა არ აქვს სად იმყოფებით და სად გინდა წასვლა, ჩვენ ყველგან მოვალთ და მოვახდენთ თქვენი შინაური ცხოველის უსაფრთხო ტრანსპორტირებას.

აღნიშნული სასწრაფო დახმარებით მოხდება იმ ცხოველების გადაყვანა ჩვენ ვეტერინარულ კლინიკებში, რომელთა ჯანმრთელობის მდგომარეობა მოიაზრებს ასეთ მომსახურებას.  მაგალითად: ავტოსაგზაო შემთხვევები, კრიტიკული და გადაუდებელი სიტუაციები და ა.შ.

მოგეხსენებათ, მსგავსი მომსახურების მიღება და დანერგვა სრულიად ინოვაციურია და ემსახურება ცხოველთა სიცოცხლის გადარჩენას, რაც მოქალაქეებს გაუადვილებს თავიანთ შინაურ ცხოველებზე ზრუნვას და არ მოუწევთ საკუთარი ავტომობილებით გადაყვანა კლინიკებში.

ვეტ კლინიკა დაკომპლექტებულია კვალიფიციური კადრებით. სივრცე აღჭურვილია ყველა საჭირო ინვენტარით და აკმაყოფილებს საქართველოს სურსათის ეროვნული სააგენტოს მიერ დადგენილ სტანდარტებს.

ტარდება ყველა საჭირო მანიპულაცია: ვაქცინაცია, შინაგან და გარეგან პარაზიტებზე დამუშავება, დეჰელმინთიზაცია, კასტრაცია, სტერილიზაცია, თერაპიული მომსახურება, გადასხმები და სხვა. ასევე შესაძლებელია სხვადასხვა ქირურგიული ოპერაციების ჩატარება.

კლინიკა ფუნქციონირებს  24/7 ზე და  მოიცავს სასწრაფო დახმარების მანქანას, ისევე როგორც  GAF TAXI - უფრო მარტივი და კომფორტული ტრანსპორტირებისათვის.

ფედერაციის არსსა და უმნიშვნელოვანესს, განხორციელებულ იდეას, წარმოადგენს იურიდიული მომსახურება.  ცხოველთა ციფრული ბაზები, რომელიც დანერგილია და პრაქტიკაში მრავალჯერ გამოცდილია, ჩვენთვის და ზოგადად ქვეყნის მასშტაბით მნიშვნელოვანი მიღწევაა.

ბაზაში რეგისტრაციისთვის საჭიროა:

1. დოკუმენტაციის შეგროვება: დაბადების მოწმობა, ვეტ პასპორტი საგვარეულო ნუსხა. (ასეთის არ ქონის შემთხვევაში, ჩვენ ადგილზე ვამზადებთ დაბადების მოწმობას, საერთაშორისო ვეტ პასპორტს და ყველა საჭირო საბუთს)
2.  სარეგისტრაციო ფორმა, სადაც დეტალურადაა შეტანილი: ცხოველის სახეობა, ჯიში, შეფერილობა, სქესი,  სახელი, გვარი (თუ პატრონი ანიჭებს მას), დაბადების თარიღი, დაბადების ადგილი, მფლობელის სახელი და გვარი, ინფორმაცია ტვიფრისა და მიკროჩიპის შესახებ.
3. ციფრული ბაზა თითოეულ ცხოველს ავტომატურად ანიჭებს უნიკალურ ნომერს და QR კოდს.
4. იბეჭდება ID ბარათი, რომელზეც დატანილია QR კოდი და ყველა ინფორმაცია ცხოველზე, რაც კი არსებობს.
5. ტელეფონის კამერის საშუალებით, QR კოდის სკანირებით, გადადიხართ ბაზებში, სადაც ატვირთულია ყველა მონაცემი და პროცედურა, რომელიც GAF–ის კლინიკებში ჩაუტარდა ცხოველს. თუ მოცემული ცხოველი, სხვა ფედერაციიდან არის დაპორტირებული, ბაზაში ფაილების სახით აიტვირთება უვე არსებული დოკუმენტაცია. (არც ერთი დეტალი რომ არ დაიკარგოს).

ID ბარათები QR კოდებით, 

თანამედროვე და მარტივი გზა, აკონტროლოთ თქვენი შინაური ცხოველის მონაცემები.

• თქვენ შეგიძლიათ, მსოფლიოს ნებისმიერი წერტილიდან, თქვენი სმარტფონის საშუალებით, წვდომა იქონიოთ მონაცემთა ბაზებთან.
•  თავმოყრილია თქვენი ცხოველის სრული დოკუმენტაცია.
• დაზღვეული ხართ დართვის დროს სისხლის აღრევისგან.
• ზუსტად იცით,  რა პროცედურა ჩაუტარდა თქვენს ცხოველს და როდის უწევს შემდეგი.
• ამავდროულად მარტივად კონტროლირებადი სტატისტიკაცაა.

GAF – ის იურიდიული დეპარტამენტი ემსახურება მოქალაქეთა დახმარებას და მათ ინფორმირებას ნებისმიერ კერძო სამართლებრივ  სადავო საკითხთან დაკავშირებით. ჩვენ გთავაზობთ იურიდიულ მომსახურებას, რაც მოიცავს როგორც კონსულტაციას თქვენთვის საინტერესო თემებზე, ასევე დავების გადაჭრას მედიაციისა თუ ნებისმიერი ინსტანციის სასამართლო დონეზე. კომპანიისათვის მნიშვნელოვანია, როგორც ადამიანის, ასევე ცხოველთა უფლებების დაცვა მოქმედი კანონმდებლობის საფუძველზე. თქვენი ინტერესები ჩვენთვის პრიორიტეტული საკითხია, რაშიც კვალიფიციურ დახმარებას გაგიწევთ.

ჩვენ ძაღლებს ვგავართ, თუმცა ამავე დროს ძალიან განვსხვავდებით ფიზიოლოგიური მსგავსება ადამიანებსა და ძაღლებს შორის აშკარაა. ჩვენ ერთნაირად ვგრძნობთ საჭმლის გემოს, ტკივილს, სიცხეს, სიცივეს; ერთმანეთის მსგავსად აღვიქვამთ გარემოს და ა.შ. ძირითადი განსხვავება – ეხება ფასეულობებს. არასწორი ინტერპრეტირებებისა და უხეში შეცდომების თავიდან ასაცილებლად მიზანშეწონილია ძაღლების შესწავლა, მათზე მიუკერძოებელი დაკვირვება, მათი მოთხოვნილებებისა და განზრახვების გაგება.

 თუ ძაღლი იღრინება, ეს ყოველთვის ცუდს არ ნიშნავსძაღლები იყენებენ სხვადასხვა ხმებს კომუნიკაციისას: ყეფენ, წკმუტუნებენ, ფრუტუნებენ, ყმუიან, და იღრინებიან. რაც შეეხება ღრენას,  ღრენით ძაღლი გვანიშნებს, რომ წარმოქმნილი სიტუაცია მისთვის უსიამოვნოა, რაც სრულებით არ ნიშნავს უხეშობასა და აგრესიას. ამ შეცდომას ადამიანები ხშირად უშვებენ და ეჩხუბებიან ან სჯიან საკუთარ ძაღლებს, რათა მიანიშნონ ვინ არის მთავარი; თუმცა, ჯერ კიდევ 20 წლის წინ მკვლევარებმა დაასკვნეს, რომ ურთიერთობა ძაღლსა და ადამიანს შორის – ეს არ არის იერარქიული კიბე, სადაც თითოეული მათგანი ცდილობს დაიკავოს უმაღლესი ადგილი.ღრენის დროს ძაღლი უბრალოდ დისტანციის გაზრდას გვთხოვს ან იცავს საკუთარ ნივთებს (ძირითადად სათამაშოებს). ხშირად მსგავსი ფორმით კომუნიკაცია პირიქით დახმარების მოთხოვნას გულისხმობს, რადგან შესაძლებელია ძაღლი ამ დროს თავს  დაუცველად გრძნობდეს ან რაიმე ფიზიკურად აწუხებდეს.

უკეთესია თქვენს ახალ ბინადარს შეურჩიოთ დიდი სივრცე. ეს ცხოველები ძალიან აქტიურები არიან და სჭირდებათ ბევრი მოძრაობა.

გალია მოათავსეთ გამათბობლიდან და ღია ფანჯრიდან მოშორებით.

მისი სახლის ფსკერზე მოათავსეთ ნახერხი ან შეუღებავი ქაღალდის ნამცეცები.

გალიაში დადეთ პატარა "სახლი" (ყუთი, ქილა, ქოთანი და ა.შ.), სადაც საკვებს დაუყრით და ყველაფერ იმას, რათიც შეიძლება, რომ თქვენი ოთხფეხა მეგობარი გაერთოს.

თითქმის ყოველდღე წმინდეთ მისი "სახლი" ნაგვისა და საკვების ნარჩენებისგან.

ზაზუნები საკვების მიმართ არაპრეტენზიულები არიან, დიდი საიმოვნებით მიირთმევენ ბურღულეულს.

ძალიან მოსწონთ - ხაჭო, ყველი, მოხარშული კვერცხის ცილა. აჭამეთ, ასევე პური, ბოსტნეული, ხილი.

აუცილებელია პერიოდულად საკვებთან ერთად მისცეთ ვიტამინები და მინერალური დანამატები.

ყოველთვის სავსე გქონდეთ მისი ჯამი საკვებით.

თქვენი ახალი მეგობარი სულ მალე გიცნობთ სუნით და სახელის დაძახებაზეც მოახდენს რეაგიერებას.

_ბრუცელოზი ქრონიკულად მიმდინარე ზოონოზური ინფექციური დაავადებაა, რომლითაც ავადდება მრავალი სახეობის ცხოველი და ადამიანი. დაავადება ვრცელდება ინფიცირებულ ცხოველთან კონტაქტის ან/და მისგან მიღებული პროდუქტის გამოყენებით.

რომელი ცხოველები ავადდებიან ბრუცელოზით?

-ბრუცელოზით ავადდება როგორც შინაური, ასევე გარეული ცხოველი, მაგრამ დაავადების მიმართ განსაკუთრებით ამთვისებელია მსხვილფეხა საქონელი, ცხვარი, თხა და ღორი.

როგორ ვრცელდება ბრუცელოზი?

ბრუცელოზის ბაქტერია -განსაკუთრებით დიდი რაოდენობით გამოიყოფა დაავადებული ცხოველის მოგების (მშობიარობის) პერიოდში ნაყოფთან, სანაყოფე გარსებთან და სანაყოფე სითხესთან ერთად. მიკრობები ასევე შესაძლებელია გავრცელდეს შარდითა და რძით.

ცხოველები ავადდებიან დაინფიცირებულ საკვებთან, წყალთან, სადგომთან, მოვლის და სხვა საგნებთან ექსპოზიციის დროს. ადამიანის დასნებოვნება ხდება ავადმყოფ ცხოველებთან კონტაქტით, დაინფიცირებული რძისა და რძის პროდუქტების გამოყენებისას, ავადმყოფი ცხოველის დაკვლის და მისი ტან-ხორცის, ტყავის, მატყლის დამუშავებისას.

როგორ ხდება ბრუცელოზზე დიაგნოზის დადგენა?

-ცხოველებში ბრუცელოზის დასადგენად საჭიროა სისხლის სინჯების ლაბორატორიული გამოკვლევა, ხოლო აბორტის შემთხვევაში, ნაყოფის და სანაყოფე გარსების ლაბორატორიაში გადაგზავნა.

ბრუცელოზის პრევენცია და კონტროლი

ჩაუტარეთ თქვენს კუთვნილ საქონელს ბრუცელოზის საწინააღმდეგო ვაქცინაცია და გამოკვლევები

დაავადების საეჭვო შემთხვევაში მიმართეთ ვეტერინარ ექიმს

განაცალკევეთ დაავადებული ცხოველი ჯანმრთელისაგან და უზრუნველყავით მისი დაკვლა სასაკლაოზე

დაიცავით პირადი უსაფრთხოება ცხოველების მოვლისას, განსაკუთრებით, მშობიარობის დროს, ხორცის დამუშავებისას (ხელთათმანი, წინსაფარი, ბოტები)

ნუ მიიღებთ რძესა და რძის პროდუქტებს ადუღების ან პასტერიზაციის გარეშე.

🩺კლინიკის მისამართებია:

📍ქუთაისი, რუსთაველის გამზირი N95

📍ქუთაისი, ჟიული შარტავას N2

📍ბათუმი, ტბელ აბუსერიძე N49

📍​​​​​​​​​​​​​​თერჯოლა, რუსთაველის გამზირი N119

ვაქცინაცია არის აქტიური იმუნიზაცია, პროფილაქტიკურ ღონისძიებათა სისტემა, რომელიც მიმართულია ზოგიერთი ინფექციური დაავადების თავიდან აცილებისა და დაავადების ზემოქმედების რისკის შემცირებისაკენ.
ვაქცინაციის სრული კურსი მოიცავს 3 კომპლექსურ და 1 ცოფის საწინააღმდეგო ვაქცინას. კურსი იწყება 10-12 კვირის ასაკში და თითოეული მათგანი კეთდება 2-3 კვირის ინტერვალით.
ინექციის შემდეგ დაუშვებელია ცხოველის ბანაობა 4-5 დღის განმავლობაში, რადგან მოსალოდნელია ნანემსარი ადგილის დასიება, რაც დისკომფორტს შეუქმნის ცხოველს.
ვაქცინაცია არ იძლევა 100%-იან გარანტიას, რომ თქვენი ცხოველი არ დაავადდება, თუმცა იგი რადიკალურად ამცირებს ამის შანსს.
სასურველი და აუცილებელიც კი არის, რომ ცხოველი ყველა ვაქცინის გაკეთებამდე არ გაიყვანოთ გარეთ და მოარიდოთ სხვა ცხოველებს. ამგვარად თქვენ შეამცირებთ ვირუსის გადადების ალბათობას.
იმუნიზაცია იცავს თქვენს ბინადარს და ოჯახის წევრებს

🩺კლინიკის მისამართებია:

📍ქუთაისი, რუსთაველის გამზირი N95

📍ქუთაისი, ჟიული შარტავას N2

📍ბათუმი, ტბელ აბუსერიძე N49

📍​​​​​​​​​​​​​​თერჯოლა, რუსთაველის გამზირი N119

ძაღლების ლაიმის დაავადება არის ბაქტერიული დაავადება, რომელსაც თან ახლავს ტკიპები.
 ლაიმის დაავადების რამდენიმე გავრცელებული სიმპტომია:
სახსრების ტკივილი;
ცხელება;
მადის დაკარგვა;
ეპრესია ან ენერგიის შემცირება;
გადიდებული ლიმფური კვანძები.
ზოგიერთ იშვიათ შემთხვევებში, ლაიმის დაავადებამ შეიძლება გამოიწვიოს უფრო მძიმე გართულებები:
თირკმელების უკმარისობა;
გულის დაავადება;
ნევროლოგიური პრობლემები.

დაავადებულ ძაღლში სიმპტომები ვლინდება ეტაპობრივად.
პირველი გამოვლენისას სიმპტომების ხანგრძლივობაა დაახლოებით 5 დღე.
შემდეგ კი შესაძლოა სიმპტომები გაქრეს, თუმცა დაავადებამ განაგრძოს პროგრესირება.

მკურნალობა ხდება ანტიბიოტიკური თერაპიული კურსით.
პროფილაქტიკისთვის, საჭიროებისამებრ დაამუშავეთ ცხოველი გარეგან პარაზიტებზე.

ზოგიერთ შემთხვევაში დაავადება შესაძლოა ფატალური აღმოჩნდეს.

დაგვიკავშირდით: 514 50 40 50

“ცხოველი ადამიანის მეგობარი და ნათესავია, იგი განიცდის იმავე გრძნობებს, რომლებიც ადამანისთვის არის დამახასიათებელი: შიმშილს, წყურვილს, შიშს და ტკივილს”.
ცხოველთა მოყვარულებმა და პატრონებმა კარგად იციან, თუ როგორი სასიამოვნოა ოთხფეხა მეგობართან ურთიერთობა, მათი მოვლა, მათთან დროის გატარება. სიყვარული და სითბო, რომელსაც გასცემ, ორმაგად გიბრუნდება უკან. თუმცა ცოტამ თუ იცის, რომ ცხოველები არამარტო გვაბედნიერებენ, არამედ ჩვენს ჯანმრთელობაზეც ზრუნავენ.
შინაური ცხოველის ყოლა ამცირებს დეპრესიას, სტრესს, დაძაბულობასა და ბრაზს. ასევე, ამ ოთხფეხა არსებების წყალობით ძლიერდება ადამიანის იმუნური სისტემა, რეგულირდება წნევა, იკლებს გულსისხლძარღვთა დაავადებების რისკი. 🐈‍🐈
 

▶️დაბადების პირველი დღე: ახალშობილი კნუტი ყრუ და ბრმაა. ის გრძნობს სიცივესა და სითბოს, ინსტინქტურად მიცოცავს დედის რძისკენ. ის თათით აწვება მკერდს და რძეს წოვს;

▶️პირველი-მეორე კვირა: კნუტს უვითარდება სმენა. მას უმუშავდება გარკვეული ინსტინქტი, ის ახელს თვალს;

▶️მესამე კვირა: იჭრება სარძევე კბილები, კნუტები იწყებენ სირბილსა და თამაშს;

▶️მეოთხე-მეშვიდე კვირა: კნუტი იწყებს დამატებითი საკვების მიღებას;

▶️მეხუთე კვირა: დედა კატა იწყებს კნუტების აღზრდას - ასწავლის სოციალურ წესებს, ნადირობას და საკვების მოპოვებას;

▶️მეათე-მეთორემეტე კვირა: დედა კატას კნუტები ახალ საცხოვრებელ ადგილას გადაჰყავს;

▶️სამი თვიდან წლამდე: ეს პერიოდი არის შესწავლისა და ხასიათის ჩამოყალიბების დრო. ცხოვრების პირველი წელი კნუტის აღზრდისთვის ყველაზე მნიშვნელოვანია. ამ დროს ხდება ახალი ტერიტორიის ათვისება და იქ დამკვიდრება;

▶️ერთი წლის ზევით: იწყება ზრდასრული კატის ცხოვრება. სამი წლის კატის ასაკი უტოლდება 28 წლის ადამიანის ასაკს;

▶️მომდევნო ასაკობრივი თანხვედრა ადამიანისა და კატის ასეთია: 5=38, 7=48, 9=55, 11=65, 13=72, 15=88, 19=96.

🩺ჩვენი მისამართებია:

📍ქუთაისი, რუსთაველის გამზირი N95

📍ქუთაისი, ჟიული შარტავას N2

📍ბათუმი, ტბელ აბუსერიძე N49

📍​​​​​​​​​​​​​​თერჯოლა, რუსთაველის გამზირი N119

პიტ ბული არის ტერმინი, რომელიც გამოიყენება შეერთებულ შტატებში ბულდოგებიდან და ტერიერებიდან წარმოშობილი ძაღლის ტიპისთვის.

ეს არის ძაღლი, ძლიერი, მამაცი, განსაზღვრული და აღფრთოვანებული ხასიათით.

იმის მიუხედავად რომ დღეს მსოფლიოში და განსაკუთრებით ამერიკაში, პიტბული ერთ-ერთ ყველაზე საშიშ და აგრესიულ ჯიშად მიიჩნევა, თავდაპირველად ის ოჯახის კომპანიონ ძაღლად ითვლებოდა. ამ ჯიშის ძაღლები ძირითადად ფერმებში იყვნენ, მაგრამ მათი ხასიათიდან გამომდინარე მალევე ოჯახში ბავშვებისათვის "ძიძა ძაღლის" როლიც შეითავსა, მათი გამორჩეული ინტელექტისა და ერთგულების გამო. ამასთანავე, ისინი ბავშვებთან საოცარად მოსიყვარულეები არიან. იმის გათვალისწინებით რომ ამ ჯიშს განსაკუთრებულად ჭარბი ენერგია აქვთ და სხვა ძაღლებთან არც ისე კარგი ურთიერთობა, საჭიროა პატრონმა ყოველდღიურად იმუშაოს მასზე, რათა ენერგია დახარჯოს.

 კვლევები ირწმუნება, რომ პიტბული, რომელიც ადამიანებს ესხმის თავს ცუდი მოპყრობის მსხვერპლია, შეიძლება მებრძოლ ძაღლად ზრდიდნენ, არ ჰქონდეს სათანადო წვრთნა მიღებული. ვფიქრობ ეს ერთ-ერთი ყველაზე რთული ძაღლის ჯიშია, რომლის ყოლასაც თუ გადაწყვეტთ, ჯერ თქვენს შესაძლებლობებს უნდა გადახედოთ, რადგან ამ ინტელექტუალურ ძაღლს სითბო და წვრთნა ესაჭიროება, რათა არ გახდეს თქვენთვის, ადამიანებისა და სხვა ცხოველებისთვის საშიში.

ადეკვატური ყოველდღიური წვრთნა და ვარჯიში დაგეხმარებათ მებრძოლი ძაღლისგან ერთგული შინაური ცხოველის შექმნაში.გახსოვდეთ, რომ საყვარელი ლეკვი რამდენიმე თვეში გადაიქცევა აქტიურ ძაღლად და რაც უფრო მალე დაიწყებთ მის გაწვრთნას, მით უკეთესი.

არგენტინული დოგი გამოიყვანეს არგენტინაში 1920-იან წლებში. ამ ჯიშის ჩამოყალიბება დაიწყო ანტონიო მარტინესმა. მას სურდა შეექმნა კომპანიონი ძაღლის ჯიში, რომელიც ასევე შესანიშნავი მცველი და საშიშ და დიდ ცხოველებზე მონადირე იქნებოდა. საოცნებო ძაღლის მისაღებად ანტონიომ თავის ძმასთან, აუგუსტინთან ერთად დაიწყო კორდობის მებრძოლი ძაღლების (ამჟამად გადაშენებულია) შეჯვარება სხვადასხვა ჯიშებთან. დოგო არგენტინოს მისაღებად უამრავი ძაღლის ჯიში გამოიყენეს, მათ შორის: ბულ ტერიერი, ბულდოგი, ბოქსიორი, გერმანული დოგი, ირლანდიური მგლის მახრჩობელა ძაღლი,  პირენეული მთის ძაღლი, ბორდოული დოგი, პოინტერი და ესპანური მასტიფი. ანტონიო მარტინესმა 1928 წელს დაწერა არგენტინული დოგის ჯიშის სტანდარტი. სამხრეთ ამერიკაში მონადირეებმა დაიწყეს მისი გამოყენება ტახზე, იაგუარზე და პუმაზე სანადიროდ. მას ასევე იყენებდნენ ძაღლების ორთაბრძოლებში, რაც ჯერ კიდევ პოპულარულია ზოგიერთ ქვეყანაში.

დოგო არგენტინო ძალიან ერთგული და თავდადებული ძაღლია თავისი ოჯახის მიმართ. თავისი ტერიტორიალური ხასიათის გამო, ის შესანიშნავი მოდარაჯე და მცველია. არგენტინული დოგი უშიშარი, ძლიერი და ენერგიული ძაღლია, ის არასდროს დაიხევს უკან საფრთხის წინაშე.

მოვლადოგო არგენტინოს მოვლა პირველ რიგში ითვალისწინებს ბევრ ვარჯიშს, ფიზიკურ და გონებრივ დატვირთვას. მომავალ პატრონს კარგად უნდა ჰქონდეს გათავისებული რა დროის, ენერგიისა და ნებისყოფის დახარჯვა მოუწევს დოგოს მოვლასა და გაზრდაზე. რეკომენდირებული არ არის მისი ყოლა ბინაში. მის უზღვავ ენერგიას სათანადოდ სჭირდება დახარჯვა, უმჯობესია იყოლიოთ დიდ ეზოიან სახლში, სადაც კარგად დაცული ღობე იქნება.

დოგო არგენტინოს დაბალი ბეწვი აქტიურ გრუმინგს არ საჭიროებს. საკმარისია კვირაში 1-2 ჯერ დავარცხნა ჯაგრისით. ის ბეწვს იცვლის სეზონურად და ამ დროს ხშირია ბეწვის ცვენა, ამიტომ ამ პერიოდში ყოველდღე ან დღეში ორჯერაც შეიძლება დაჭირდეს დავარცხნა. აბანავეთ 3 თვეში ერთხელ ან საჭიროებისამებრ. სხვა ძაღლების მსგავსად, დოგოსაც სჭირდება კბილების გახეხვა მინიმუმ ორჯერ კვირაში და ფრჩხილების დაჭრა, თუ მისი ცვეთა ბუნებრვად არ ხდება. ამ პროცედურებს ადრეული ასაკიდან მიაჩვიეთ.

არგენტინული დოგის კვება დიდი ზომის, ენერგიული ძაღლებისთვის შესაბამისი უნდა იყოს. საჭიროა კარგად დაბალანსებული, მაღალი ხარისხის საკვების მიცემა. უმჯობესი იქნება კვების რაციონი თქვენს ვეტერინართან ერთად შეადგინოთ. საკვების მოცულობა საჭიროა განისაზღვროს ინდივიდუალურად ძაღლის ასაკის, წონის, მეტაბოლიზმის, აქტივობის, ჯანმრთელობის და სხვა პირობების გათვალისწინებით.

რეგულარულად შეუმოწმეთ თქვენს ძაღლს თვალები, ყურები, ცხვირი, პირი და კანი. ცვლილების დროული შემჩნევა დაავადების ადრეულ სტადიაზე აღმოჩენის საშუალებას მოგცემთ.

არგენტინული დოგი  საკმაოდ ჯანმრთელი ძაღლია. ამ ჯიშის წარმომადგენლების დაახლოებით 10%-ს ახასიათებს ერთი ან ორივე ყურით სიყრუე, ეს თანდაყოლილი სიყრუე დაკავშირებულია პიგმეტაციაზე და ასევე ვრცელდება დალმატინელებში, ბოქსიორებსა და თეთრ ბულ ტერიერებში.  სხვა დაავადებები შეიძლება იყოს: ჰიპერთირეოზი, მენჯ-სახსრის დისპლაზია, მეტეორიზმი, ლარინგეალური დამბლა, გლაუკომა, ალერგია, დემოდეკოზი.

ძაღლის ამ ჯიშმა თავისი სახელი მიიღო იმ ტერიტორიისაგან, რომელსაც პომერანია ეწოდება და იგი მდებარეობს ჩრდილოეთ პოლონეთსა და გერმანიაში, ბალტიის ზღვის გასწვრივ.

პომერანიული შპიცი მკვირცხლი და მოსიყვარულე ძაღლია.
 უყვარს ყურადღების ცენტრში ყოფნა, მოფერება და ნებივრობა, თუმცა ასევე მოსწონს თამაში და ცელქობა
. ამ ჯიშის ძაღლი საკმაოდ ჭკვიანია და ამიტომ მისი გაწვრთნა ადვილია. პატარა, მხიარული პომერანიული შპიცი კარგი მოდარაჯე ძაღლია და მიუხედავად მცირე ზომისა, ხმამაღალი ყეფით უმალ გაცნონებთ, თუ რაიმე უჩვეულოს შენიშნავს.
 

მოვლა:

პომერანიული შპიცისათვის სავარჯიშოდ რაიმე განსაკუთრებული პირობების შექმნა საჭირო არ არის. კარგი იქნება, თუკი დროდადრო პარკში გავასეირნებთ და ასევე შემოღობილ ეზოში თამაშის ნებას მივცემთ, რათა სათანადოდ მოხდეს მისი ვარჯიში, თუმცა არ უნდა მოხდეს მისი ვარჯიში შუადღის სიცხეში.

პომერანიულ შპიცს აქვს  სქელი, გრძელი, ორმაგი ბეწვი, ამიტომ საჭიროა მისი ყოველდღიური მოვლა – ვარცხნა, რადგანაც ბეწვი ადვილად იბურდება და იკეთებს კვანძებს განსაკუთრებით განგურის დროს, რაც წელიწადში ორჯერ ხდება. ბეწვი უნდა დაივარცხნოს კუდიდან თავისაკენ – ბეწვის ზრდის საწინააღმდეგო მიმართულებით. მართალია, ამ საქმეს დიდი დრო მიაქვს, მაგრამ რთული გასაკეთებელი არ არის.

• რჩევა :

პომერანიული შპცისათვის აუცილებელია   თვალების ამოწმენდა წკირზე დახვეული ბამბის ტამპონით და ფრჩხილების დაჭრა თათებზე. ასევე საჭიროა კბილების ხშირი შემოწმება. სათანადო მოვლის გარეშე, პომერანიულ შპიცს შეიძლება კბილები ადრე დასცვივდეს, ამიტომ რეკომენდირებულია მისთვის მშრალი საკვების მიცემა.

ბეწვის შეკრეჭა უნდა მოხდეს 1 თვეში ერთხელ. ასევე საჭიროა ბეწვის გასუფთავება მშრალი შამპუნით, როცა ამის საჭიროება იქნება.

მიუხედავად იმისა, რომ ბასენჯის ზუსტი წარმომავლობა უცნობია, მისი მსგავსი ძაღლის გამოსახულებები ნაპოვნია IV დინასტიის დროინდელ ეგვიპტურ სამარხებში. დღევანდელი ბესენჯები, არიან 1930-იან წლებში ზაირიდან ჩამოყვანილი ძაღლების შთამომავლები. ეს მშვიდი, დახვეწილი ძაღლი თბილი კლიმატის მქონე კონტინენტის აბორიგენია. მისი ჟღალისფერი ბალანი უზრუნველყოფს კარგ კონსიპირაციას გარემოსთან, ხოლო თეთრი ლაქები სხეულზე და მოკლე ბალანი საშუალებას აძევს ადვილად გადაიტანოს სიცხე.

თავის მშობლიურ აფრიკაში სანადირო ოსტატობით ნაქებ ბასენჯებს ძველ ეგვიპტეში ფარაონებს უძღვნიდნენ საჩუქრად. ეს ჯიში ინგლისში 1937 წელს შეიყვანეს, მისი ლეკვები კი ამერიკაში 1941 წელს გამოჩნდნენ. როცა ეს ძაღლი შემართულია სანადიროდ, მისი შუბლი იღარება ნაოჭებით, რაც მას პირქუშ გამომეტყველებას ანიჭებს.

მონაცემები:

წარმოშობა - აფრიკა

მთავარი დანიშნულება - ნადირონა

ტემპერამენტი - დამოუკიდებელი, ცელქი

სიცოცხლის ხანგრძლივობა - 12-14 წელი

მოვლა - ყოველკვირეული ვარცხნა

ვარჯიში - ინტენსიური

კუდი–მჭიდროდ დახვეული და გავაზე დადებული.

ბეწვი–მოკლე და მშვენიერი, ღია წაბლისფერი, წითელი, შავი, სამფერი, ან აჭრელებული –ყველა მათგანს კი ტერფები, მკზერდი და კუდის წვერი თეთრი აქვთ.

თათები–პატარა, ოვალური და კომპაქტური, სქელი ბალიშებითა და მკვეთრად ამოზნექილი თითებით.

ტანი–კომპაქტური, დაკუნთული და საშუალო ზომის.

სახე –ელეგანტური და ოდნავ წაგრძელებული, ფხიზელი, ცნობისმოყვარე გამომეტყველებით.

თვალები–მუქი თაფლისფერი და ყავისფერი, ნუშის ფორმის.

ცხვირი –შავი, ფართო და ტყავისებრი.

რჩევა:

ბასენჯის უყვარს სიმაღლეებზე ცოცვა და იოლად შეუძლია გადალახოს რკინისბადიანი ღობე.

მათ უყვართ ღეჭვა. მიეცით ისეთი სათამაშოები, რომელსაც დასაღეჭად გამოიყენებენ. აქვს გამორჩეული სიარულის მანერა.

ამჟამად მსოფლიოში რეგისტრირებულია კატების 44

ჯიში.

6 თვის კატა შეესაბამება 10 წლის ბავშვს.

კატებს ძინავთ 12-16 საათი დღეში, მაგრამ არსებობს

ისეთი კატა, რომელსაც 20 საათი შეუძლია ეძინოს.

შუა საუკუნეებში კატა ასოცირდებოდა

ჯადოქრობასთან.

კატის ყნოსვის უნარი 14–ჯერ უფრო ძლიერია ვიდრე

ადამიანის.

კატის თვალის ფერი შეიძლება შეიცვალოს მისი ასაკის

მატებასთან ერთად.

კატის ცხვირი ისეთივე უნიკალურია, როგორც

ადამიანის თითის ანაბეჭდი.

კატას შეუძლია გაარჩიოს საკუთარი პატრონის

ნაფეხური ასობით ნაფეხურს შორის.

კატისებრთა ოჯახის ყველაზე დიდი წარმომადგენელი

სიბერიული ვეფხვია.

კატებს მოკლული არსებები იმიტომ მიაქვთ

ადამიანებთან, რომ ჰგონიათ პატრონს არ შეუძლია

საკუთარი თავის რჩენა და ნადავლს საჩუქრის სახით

აძლევენ.

უკანასკნელი 10 000 წლის განმავლობაში კატის

არცერთი ჯიში არ გამქრალა.

ძაღლების ყნოსვა 10 000-ჯერ უფრო ძლიერია, ვიდრე

ადამიანის.

ძაღლის ინტელექტი შეესაბამება ორი წლის ბავშვის

ინტელექტს და ასევე მათ შეუძლიათ გაიგონ 150-მდე

სიტყვა.

ძაღლები ძილში სიზმრებს ხედავენ

ძაღლებს დანაშაულის გრძნობა არ აქვთ

ძაღლს შესაძლოა, იგივე დაავადება სჭირდეს, რაც

ადამიანს

ძაღლებს ეჭვიანობის შეგრძნება აქვთ

ძაღლები სიმსივნისა და დიაბეტის სუნს გრძნობენ.

🩺ჩვენი მისამართებია:

📍ქუთაისი, რუსთაველის გამზირი N95

📍ქუთაისი, ჟიული შარტავას N2

📍ბათუმი, ტბელ აბუსერიძე N49

📍​​​​​​​​​​​​​​თერჯოლა, რუსთაველის გამზირი N119

ქართულ საზოგადოებას ვთავაზობთ ციფრულ ID ბარათს (სარეგისტრაციო მოწმობა ), სადაც ცხოველს მინიჭებული ექნება შესაბამისი QR კოდი. ამ კოდის სკანირებით, თქვენ მოხვდებით ჩვენს მონაცემთა ბაზაში. აქ ინახება ყველა ინფორმაცია (თუნდაც აწ უკვე ჩატარებული მანიპულაციები) , საგვარეულო ნუსხა, სამედიცინო ბარათი, დართვის აქტი.

მთავარი კითხვა- რატომ ჩვენთან?

თქვენი დახმარებით ჩვენ შევძლებთ:

ცხოველების პოპულაციების მართვასა და კონტროლს!

საიმედო და უსაფრთხო ზოოანთროპონოზური მდგომარეობის უზრუნველყოფის ხელშეწყობას!!

და ბოლოს იყავი ინოვატორი და ამ ინოვაციური პროექტის თანამონაწილე, რადგან GAF- ი არა მარტო " ჩემი სახლია" - ის "შენი სახლიცაა"  

🩺ჩვენი მისამართებია:

📍ქუთაისი, რუსთაველის გამზირი N95

📍ქუთაისი, ჟიული შარტავას N2

📍ბათუმი, ტბელ აბუსერიძე N49

📍​​​​​​​თერჯოლა, რუსთაველის გამზირი N119